Kamandag ng Pag-ibig – 3

        ”  Congratulations ladies! Now, in this box are the names of the judges that will ask each one of you a question. You’ll have different questions from different judges so there is no need to lock any of you inside the dressing room and have you wear a big earpiece.” Natatawang wika ng host. At pumagitna ito sa mga candidates.  ” We’ll start with you Candidate number 8.” Lumapit si Rania at binigyan s’ya ng cordless microphone ng assistant ng emcee na s’yang may hawak sa box na kinapalooban ng mga pangalan ng judges.

         ” How are you doing Ms. Emma Darna? Pretty Face, pretty name.” Scripted na saad ng host.

         ” I’m great thank you so much.” Sagot n’ya.

         ” Pick one please.” at itinuro ang box. Bumunot s’ya ng pangalan. Nanginig ang kanyang kamay. She prayed silently huwag sana ang lalaking judge. Binasa n’ya ang maliit na rolyo ng papel na nabunot.

          “Read it loudly please Ms. Emma Darna.” nakangiting request ng host.

          ” Adam Cartallejo.” Mahina n’yang wika na sa judge nakatingin. Whoa! Biniro talaga s’ya ng pagkakataon. Ayon na naman ang relo ni Adam. Nadi-distract s’ya nito.

         ” Good Evening, Emma Darna.” Bati nito ng walang kangiti-ngiti.

         “Sir de la buena tarde y señoras y caballeros de la buena tarde.” Sagot n’ya na nagpasigabo ng palakpakan. Tila ikinainis ng judge ang pagsagot n’ya sa Spanish.  “Translation, Good Evening sir and good evening ladies and gentlemen.” Lihim na nagdiwang ang kanyang puso dahil napatiim-bagang ang gwapong judge at nasiyahan ang mga tao na nagsalita s’ya ng konting Spanish.

          Iba’t-ibang gimik pagdating sa mga beauty contests. Pero hindi talaga n’ya binalak at hindi rin itinuro ni Sunshine na kausapin o sagutin n’ya ang judge sa Spanish lalo na at hindi naman talaga n’ya kabisado ang naturang lenggwahe. Basta na lang bumuka ang kanyang bibig. Pero masarap sa pakiramdam ang palakpakan. Pinalakpakan s’ya ng mga tao kahit hindi marahil nito naintindihan ang kanyang little Spanish talk dahil minaster n’ya ang linyang iyon. May mga naging kaibigan s’yang Mexicans sa Canada at nagpaturo s’ya ng mga basic words sa Spanish with the right accent.

          The voices of the crowd faded away. The judge breathed deeply then held the microphone again. “Oh, hablas español. Esto es de hecho un candidato maravilloso número ocho de la tarde..” Sagot ni Adam na ikinalaki ng kanyang mga mata. Oh no! Ano ang isasagot n’ya? Hindi n’ya alam ang buong translation ng sinabi nito. Alam n’yang ang hablas español ay ‘you speak spanish’ pero hindi n’ya naintindihan ang buong kahulugan ng sinabi nito. Ano ngayon ang kanyang gagawin? Anong topak kasi ang pumasok sa kukuti n’ya?

        Kung hindi lang marahil s’ya nakamake-up napansin na siguro ang kanyang pamumutla. Natahimik ang lahat. Nakaramdam s’ya ng tensyon. Tila naman ngiti ng pang-uuyam ang nasa mukha ng nobya nitong si Bumby. Masaya na tinola s’ya ng boyfriend nito. Kung bakit kasi naman pa-spanish-spanish pa s’ya. Nakagat naman ni Sunshine ang mga daliri. Ninerbyos din ito sa ginawa ni Rania.

           ” I’m sorry sir. Please repeat the question.” she smiled tensely. Never s’yang nagpaulit ng question sa mga judges before. Adam’s lips broke into an amusing smile. Lalong kinabahan si Rania.

           ” I am not asking you yet candidate no. 8. But it seemed you don’t understand my little Spanish.” He was mocking her. May narinig s’yang tumawa. Tola na talaga s’ya. Napatingin s’ya sa gawi ni Sunshine. Ngumiti ito ngunit alam n’yang na tense rin ito sa mga kaganapan. Oh help! Ang host ay tila nag-eenjoy sa eksena at kinalimutan yata na papel nitong ‘tulungan’ s’ya. “Sheyt.” anang kanyang isip.

          ” Okay since you are in a hurry to answer your question here it is.” At tumingin ito sa papel na hawak. “Emma Darna, please tell us what is schadenfreude?” he looked at her intensely. Nagbulungan ang mga tao. Saang lupalop ng mundo galing ang tanong nito? Nang hindi s’ya agad sumagot biglang nagsalita si Bumby. Nalipat ang tingin ng mga tao rito na tila sobrang ikinatuwa ng huli ang atensyon.

          ” Excuse me, let me interrupt candidate no. 8. Just want to give you a clue. Schadenfreude is some sort of a Greek word. Thanks & Goodluck.” Obvious na nag-enjoy ito sa ginawa ng kanyang boyfriend. Pakiramdam n’ya pinagtulungan s’ya ng magsyota. That was very rude of Bumby at ni hindi man lang ito sinaway ni Adam. Lihim s’yang nasaktan. Akala niya kahit papaano may tenderness sa puso ni Adam despite his lordy exterior.

         She was so hurt and bit her lips then she answered. “Thank you ma’am. But I’m sorry it didn’t help at all and a little trivia there is no such thing as some sort of a greek word.” Sabi nya at iminuwestra ang peace sign gamit ang dalawang daliri saka ngumiti. Lumaki ang butas ng ilong ni Bumby sa tinitimping galit. Pigil-hininga ang lahat lalo na ang mga bading. Mangilan-ngilan sa mga audience ang tumawa.
         Tiningnan n’ya si Adam. Blangko ang mukha nito at waring naghihintay sa sunod n’yang sasabihin. ” Schadenfreude is a german word. From Schaden which means damage or harm and Freude means joy. Those two german words put together means, a pleasure taken from someone else’s misfortune. If any of you here was happy for my little misfortune earlier, that’s schadenfreude. Thank You!” pigil ang kanyang hininga sa naghahalong komosyon ng kanyang emosyon.

          Hindi umimik ang mga tao. Tumingin ang mga ito sa gwapong judge. Tila gustong makarinig ng confirmation na tama ang kanyang sagot. They assumed that Adam knew the answer since he was the one asking it. Pero hindi kumilos si Adam na matamang nakatingin kay Rania.Isa sa crowd ang sumigaw. ” Woooyyyy, tama?”

         Saka pa lang kinuha ni Adam ang microphone. ” Yes she is right. Thank You Ms. Emma Darna.” Saka lamang nagtayuan ang ibang audience at makabinging palakpakan ang nangyari.

         Hindi maipinta ang mukha ni Bumby Lorenzo. Nakini-kinita na n’ya ang score na maaring ibigay nito sa kanya. Wala na s’yang pakialam sa kalalabasan. Ilang beses na ba s’yang natalo sa beauty contest? Kung sinu-sino ng tumalo sa kanya. Kung natalo s’ya noon na wala s’yang iniinsultong judge ngayon pa kaya?

          Natapos ang Q & A ng dalawang ibang finalists na hindi n’ya namalayan. Nagbigay uli ng major award. Si Joanna ang nakakuha ng best in gown. Maganda ang pagkadala nito sa gown. Masaya s’ya para rito. Kontento na s’ya sa mga awards na nakuha n’ya. Nagbalik na rin sa normal ang kanyang pulso. Pinag-exit sila ng emcee para sa isang dance number habang abala ang tavulators sa pag-total ng mga score ng mga kandidata.

          Abot-tainga ang ngiti ng mga bading nang salubungin s’ya sa dressing room. Yumakap ang iba sa kanya at nakipag-beso-beso.      

         ” I’m so proud of you. Tsk tsk tsk, you’re a legend. Bumbee had her greatest nightmare tonight.” si Joanna. Sabay na nagsipag-sang-ayun ang lahat.

          “She probably hated me now.” aniya.

          Lumabi si Sunshine.  ” Keber. Umabot na rin sa sukdulan ang kaniyang kabastusan. She has no right to interrupt your Q & A noh.”  

        Malamang galit din si Adam sa ginawa n’ya. Nobya yata nito ang naipahiya n’ya.

          “By the way paano mo nalaman ano ang ssssu-suddenfrog.?” Natawa si Rania. Dala marahil ng nerbiyos hindi ito narinig ni Sunshine ng malinaw.

          ” Schadenfreude hindi suddenfrog.”

          ” Whatever.” Saad ni Sunshine.

          ” I studied German for my foreign language for two years. German at French ang pinili ko remember?  ” Explain n’ya.

          ” Oo nga pala. You can speak german. Sana german na lang din ang sinabi mo kanina kaysa spanish. Lukaret ka talaga Rania!” Nakangiting wika nito.

          Nasa stage na uli sila for the announcement of winners. Tinawag na ang 2nd runner-up at s’ya at Joanna na lang ang pinagpipilian para sa major crown. Mahigpit silang naka hawak-kamay. Itinodo din ng host ang suspense. “I can’t believe this. Two beauties & brains, the two bests among the rest, but who will be the queen? Ladies & gentlemen.” ilang segundo pa ang pinalipas nito bago nagpatuloy. “Joanna Mendoza is our Reyna de Mayo 2008! And Emma Darna is the first runner-up! Napaiyak si Joanna.

          Nakaramdam din s’ya ng relief. She kissed Joanna before she stepped forward.  Umakyat ang isang konsehal at asawa nito na s’yang naglagay ng kanyang sash at maliit na tiara. At nagkagulo na matapos ang crowning ni Joanna. Matalim ang tinging ipinukol ni Bumby sa kanya nang umakyat ito at si Adam para maglagay ng crown ni Joanna. Nginitian n’ya ito ng patuya. Anyways hindi s’ya kilala nito at never na makilala. Pasimple siyang ume-exit ng pakiramdam n’ya tapos na ang kanyang papel. Nagpa-picture din s’ya kasama ng mga bading na hindi nanalo at kasali ang organizers ng pageant.

         Mabuti at nakahanda na si Sunshine at nailigpit na ang kanilang mga gamit. Dali-dali silang nagpunta sa parking area na kung saan naghihintay na sa kanila ang inarkilahang taxi. Panay ang kanilang hagikgikan nang nasa apartment na sila.

         ” Thank you so much sa tulong madam. This is impossible without you.” Madamdaming sabi ni Rania.

          ” You are welcome. Pero you still can make it even without me. Ma’am you have the guts, beauty and brain. Not to mention your faith. Kaya mo yatang gawin kahit ano.”

          ” Sobra naman iyan madam. Hindi naman ako superwoman noh. Pero honestly kinabahan ako kanina nang magsalita rin ng Spanish si Mr. Cartallejo.”

Humalakhak si Sunhshine. ” Kung alam mo lang gusto kong matawa at mainis sa iyo. Tralala ka talaga kung minsan. Pero lagi mong carry ang lahat ng ka-tralalahan mo. D’yan ako saludo sa iyo.” Nagsaludo nga ang bading na ikinabungisngis n’ya.